قصيدة .....زاعلت الفرح

[زاعلت الفرح يوم الزعلت وياك
ومن عفتك احس الروح عافتني
\ما نزلت دمعتي ولا بجيت بيوم
بس لمن عفتني ادموعي غركتني
احس من بعدك صار الكلب تنور
تلهب بيه نارجفاك حركتني
ارجعلي بغيابك صرت جف تراب
اخاف ايكب هوى ومتلحك اتلمني
كضيت العمر مثل الساعه ماشي وياك
وشتطلب اكلك ائمرني
لا تظن اني ما متاذي من فركاك
واكذب لوكتلك انته متهمني
منوا لغيرك عليه وتبتعد خلاك
اكو فوكانه رب الينتقم منا
اذا لنار دربك هم اني وياك
النار بلمسه ايدك تنكلب جنه
تعال وشوف حالي شصار بفركاك
بس جلد وعضم كلشي ما ظل بيه
افز بليل ما الكا الكلب مرات
وحاير المن اسال لو ردت عنه
من جاني سئلتا وين اتروح
الحبيبك كال كل يوم اتعنه
تشتم الورد معروفهكل الناس
بس الورد ايريد ايشمك